CENTVRIE [ I | II | III | IV | V | VI | VII | VIII | IX | X | XI | XII ]
A V T R E S P R O P H E T I E S
D E M A I S T R E M I C H E L
N O T R A D A M U S.**
Pour les ans courans en
ce ƒiecle.**
Centurie onziéme.**
I.
Iecle nouueau, alliance nouuelle,
Vn Marquisat mis dedans la nacelle,
A qui plus fort des deux l'emportera :
D'vn Duc, d'vn Roy, gallere de Florence,
Port à Marseille, Pucelle dans la France,
De Catherine fort chef on rasera.
XI. I.**
SIecle nouueau, alliance nouuelle,
Vn Marquiƒat mis dedans la naƒƒelle,
A qui plus fort des deux l'emportera :
D'vn Duc, d'vn Roy gallere de Florence,
Port à Marceille, pucelle dans la France,
De Catherine fort chef on raƒera.
II.
Qui d'or, d'argent fera despendre,
Quand Comte voudra ville prendre,
Tant de mille & mille soldats,
Tuez noyez, sans y rien faire,
Dans plus forte mettra pied terre,
Pigmée aydé des Censuarts.
XI. II.**
Qui d'or, d'argent fera deƒpendre,
Quand Comte voudra ville prendre,
Tant de mille & mille ƒoldats,
Tuez noyez, ƒans y rien faire,
Dans plus forte mettra pied terre,
Pigmée ay dé des Cenƒaurts.
III.
La ville sans dessus dessous,
Renuersée de mille coups
De canons : & forts dessous terre :
Cinq ans tiendra : le tout remis,
Et laschée á ses ennemis,
L'eau leur fera apres la guerre.
XI. III.**
La ville ƒans deƒƒus deƒƒous,
RenuerĎe de mille coups
De canons : & forts deƒƒous terre :
Cinq ans tiendra : le tout remis,
Et laƒchée á ƒes ennemis,
L'eau leur fera apres la guerre.
IIII.
D'vn rond, d'vn lis, naistra vn si grand Prince,
Bien tost, & tard venu dans sa Prouuince,
Saturne en Libra en exaltation :
Maison de Venus en descroissante force,
Dame en apres masculin soubs l'escorce,
Pour maintenir l'heureux sang de Bourbon.
XI. IV.**
D'vn rond d'vn Lys naiƒtra vn ƒi grand Prince,
Bien toƒt & tard venu dans ƒa Prouince,
Saturne en libra en exaltation :
Maiƒon de Venus en decroiƒƒante force.
Dame en apres maƒculin ƒous l'eƒcorce,
Pour maintenir l'heureux ƒang de Bourbon.
V.
Celuy qui la Principauté
Tiendra par grande cruauté,
A la fin verra grand phalange :
Par coup de feu tres dangereux,
Par accord pourroit faire mieux,
Autrement boira suc d'Orenge.
XI. V.**
Celuy qui la principauté
Tiendra par grande cruauté,
A la fin verra grand phalange :
Par coup de feu tres-dangereux,
Par accord pourroit faire mieux,
Autrement boira ƒuc d'Orange.
VI.
Quand de Robin la traistreuse entreprise
Mettra Seigneurs & en peine vn grand Prince,
Sceu par la Fin, chef on luy trenchera :
La plume au vent, amye dans Espagne,
Poste attrappé estant en la campagne,
Et l'escriuain dans l'eauë se iettera.
XI. VI.**
Quand de Robin la traiƒtreuƒe entreprinƒe
Mettra Seigneurs & en peine vn grand Prince,
Sceu par la Fin : chef on luy tranchera :
La plume au vent amie dans Eƒpagne,
Poƒte attrapé eƒtant en la campagne,
Et l Eƒcriuain dans l'eau ƒe iettera.
VII.
La sangsuë au loup se ioindra,
Lors qu'en mer le bled defaudra,
Mais le grand Prince sans enuie,
Par ambassade luy donra
De son bled pour luy donner vie,
Pour vn besoin s'en pouruoira.
N ij
XI. VII.**
La ƒangƒuë au loup ƒe ioindra,
Lors qu'en mer le bled defaudra,
Mais le grand Prince ƒans enuie,
Par ambaƒƒade luy donra
De ƒon bled, pour luy donner vie,
Pour vn beƒoin s'en pouruoira.
VIII.
Vn peu deuant l'ouuert commerce
Ambassadeur viendra de Perse,
Nouuelle au franc pays porter :
Mais non receu, vaine esperance,
A son grand Dieu sera l'offence,
Feignant de le vouloir quitter.
XI. VIII.**
Vn peu deuant l'ouuert commerce
Ambaƒƒadeur viendra de Perƒe,
Nouuelle au franc pays porter :
Mais non receu, vaine eƒperance,
A ƒon grand Dieu ƒera l'offence
Feignant de le vouloir quitter.
IX.
Deux estendars du costé de l'Auuergne,
Senestre pris, pour vn temps prison regne,
Et vne Dame enfans voudra mener :
Au Censuar, mais descouuert l'affaire
Danger de mort murmure sur la terre,
Germain, Bastille frere & sœur prisonnier.
XI. IX.**
Deux eƒtendars du coƒté de l'Auuergne,
Seneƒtre pris, pour vn temps priƒon regne,
Et vne Dame enfans voudra mener
Au Cenƒuart, mais deƒcouuert l'affaire
Danger de mort & murmure ƒur terre
Germain, Baƒtille, frere & ƒœur priƒonnier.
X.
Ambassadeur pour vne Dame,
A son vaisseau mettra la rame,
Pour prier le Grand medecin :
Que de l'oster de telle peine,
Mais en ce s'opposera Royne
Grand peine auant qu'en veoir la fin.
XI. X.**
Ambaƒƒadeur pour vne Dame,
A ƒon vaiƒƒeau mettra la rame,
Pour prier le grand Medecin :
Que de l'oƒter de telle peine,
Mais en ce s'oppoƒera Reyne,
Grand peine auant qu'en voir la fin.
XI.
Durant ce siecle on verra deux ruisseaux,
Tout vn terroir innonder de leurs eaux,
Et submerger par ruisseaux & fontaines :
Coups & Moufrin Beccoyant, & ales
Par le gardon bien souuent trauaillez,
Six cens & quatre alez, & trente moines.
XI. XI.**
Durant ce ƒiecle on verra deux ruiƒƒeaux,
Tout vn terroir inonder de leurs eaux,
Et ƒubmerger par ruiƒƒeaux & fontaines :
Coups & Mouffrin beccoyant, & alez
Par le Guerdon bien ƒouuent trauaillez,
Six cens & quatre alez, & trente moines.
XII.
Six cens & cinq tresgrand'nouuelle,
De deux Seigneurs la grand querelle,
Proche de Ganaudan sera,
A vne Eglise apres l'offrande
Meurtre commis, prestre demande
Tremblant de peur se sauuera.
XI. XII.**
Six cents & cinq tres-grand nouuelle,
De deux Seigneurs la grand querelle,
Proche de Gauaudan ƒera,
A vne Egliƒe apres l'offrande
Meurtre commis, Preƒtre demande
Tremblant de peur ƒe ƒauuera.
XIII.
L'auanturier six cens & six ou neuf,
Sera surpris par fiel mis dans vn œuf,
Et peu apres sera hors de puissance
Par le puissant Empereur general,
Qu'au monde n'est vn pareil ny esgal,
Dont vn chascun luy rend obeissance.
XI. XIII.**
L'auanturier ƒix cents & ƒix ou neuf,
Sera ƒurpris par fiel mis dans vn œuf,
Et peu apres ƒera hors de puiƒƒance
Par le puiƒƒant Empereur general,
Qu'au monde n'eƒt vn pareil, ny eƒgal,
Dont vn chacun luy rend obeyƒƒance.
XIIII.
Au grand siege encor grands forfaits.
Recommençant plus que iamais
Six cens & cinq sur la verdure,
La prise & reprise sera,
Soldats és champs iusqu'en froidure
Puis apres recommencera.
XI. XIV.**
Au grand ƒiege encor grands forfaits,
Recommençant plus que iamais
Six cents & cinq ƒur la verdure,
La priƒe & repriƒe ƒera,
Soldats és champs iuƒqu' en froidure,
Puis apres recommencera.
XV.
Nouueau esleu patron du grand vaisseau,
Verra long temps briller le cler flambeau
Qui sert de lampe à ce grand territoire,
Et auquel temps armes sous son nom,
Ioinctes à celles de l'heureux de Bourbon
Leuant, Ponant & Couchant sa memoire.
N iij
XI. XV.**
Nouueau eƒleu Patron du grend vaiƒƒeau,
Verra long-temps briller de clair flambeau,
Qui ƒert de lampe à ce grand territoire,
Et auquel temps armes ƒous ƒon nom,
Iointes à celles de l'heureux de Bourbon
Leuant, Ponant & Couchant ƒa memoire.
XVI.
En Octobre six cens & cinq,
Pouruoyeur du monstre marin,
Prendra du souuerain le cresme,
Ou en six cens & six, en Iuin,
Grand'ioye aux grands & au commun
Grands faits apres ce grand baptesme.
XI. XVI.**
En O¢tobre ƒix cents & cinq,
Pouruoyeur du monƒtre marin
Prendra du Souuerain le Creƒme,
Ou en ƒix cents & ƒix, en Iuin,
Grand Roy aux grands & au commun,
Grands faits apres ce grand Bapteƒme.
XVII.
Au mesme temps vn grand endurera,
Ioyeux malsain, l'an complet ne verra,
Et quelques-vns qui seront de la feste,
Feste pour vn seulement, à ce iour,
Mais peu apres sans faire long seiour,
Deux se donront, l'vn l'autre de la teste.
XI. XVII.**
Au meƒme temps vn Grand endurera,
Ioyeux malƒain, l'an complet ne verra,
Et quelques vns qui ƒeront de la feƒte,
Feƒte pour vn ƒeulement à ce iour :
Mais peu apres ƒans faire long ƒeiour,
Deux ƒe donront l'vn l'autre de la teƒte.
XVIII.
Considerant la triste Philomelle
Qu'en pleurs & cris sa peine renouuelle,
Racourcissant par tel moyen ses iours,
Six cens & cinq, elle en verra l'issuë,
De son tourment, ia la toile tissuë,
Par son moyen senestre aura secours.
XI. XVIII.**
Conƒiderant la triƒte philomele,
Qu'en pleurs & cris ƒa peine renouuelle.
R'acourciƒƒant par telmoyen ƒes iours,
Six cents & cinq, elle en verra l'iƒƒuë,
De ƒon tourment, ja la toile tiƒƒuë,
Par ƒon moy en feneƒtre aura ƒecours.
XIX.
Six cens & cinq, six cens & six & sept,
Nous monstrera iusques l'an dix-sept,
Du boutefeu l'ire, hayne & enuie,
Soubs l'oliuier d'assez long temps caché,
Le Crocodil sur la terre à caché,
Ce qui estoit mort, sera pour lors en vie.
XI. XIX.**
Six cents & cinq, ƒix cents & ƒix & ƒept,
Nous monƒtrera iuƒques l'an dix-ƒept,
Du boute-feu l'ire, haine & enuie,
Sous l'Orient d'aƒƒez long-temps caché
Le crocodil ƒur la terre a caché,
Ce qui eƒtoit mort, ƒera pour lors en vie.
XX.
Celuy qui à par plusieurs fois
Tenu la cage & puis les bois,
R'entre à son premier estre
Vie sauue peu apres sortir,
Ne se sçachant encor cognoistre,
Cherchera subiet pour mourir.
XI. XX.**
Celuy qui a par pluƒieurs fois
Tenu la cage & puis les bois,
R'entre à ƒon premier eƒtre
Vie ƒauue peu apres ƒortir,
Ne ƒe ƒçachant encor cognoiƒtre,
Cerchera ƒuiet pour mourir.
XXI.
L'autheur des maux commencera regner
En l'an six cens & sept sans espargner
Tous les subiets qui sont á la sangsuë,
Et puis apres s'en viendra peu á peu,
Au franc pays r'allumer son feu,
S'en retournant d'où elle est issuë.
XI. XXI.**
L'Autheur des maux conniuera regner
En l'an ƒix cents & ƒept ƒans eƒpargner
Tous les ƒubie¢ts qui ƒon á la ƒangƒuë,
Et puis apres s'en viendra peu á peu,
Au franc pays r'allumer ƒon feu,
S'en retournant d'où elle eƒt iƒƒuë.
XXII.
Cil qui dira, descouurissant l'affaire,
Comme du mort, la mort pourra bien faire
Coups de poignards par vn qu'auront induit,
Sa fin sera pis qu'il n'aura fait faire,
La fin conduit les hommes sur la terre,
Gueté par tout, tant le iour que la nuit.
XI. XXII.**
Cil qui dira deƒcouuriƒƒant l'affaire,
Comme du mort, la mort pourra bien faire
Coups de poignards par vn qu'auront indui¢t,
Sa fin ƒera pis qu'il n'aura fait faire,
La fin conduit les hommes ƒur la terre,
Gueté par tout, tant le iour que la nui¢t.
XXIII.
Quand la grand nef, la prouë & gouuernal,
Du franc pays & son esprit vital,
D'escueils & flots par la mer secoüée,
Six cens & sept, & dix cœur assiegé
Et des reflux de son corps affligé,
Sa vie estant sur ce mal renoüée.
XI. XXIII.**
Quand la grand nef, la prouë & gouuernal,
Du franc pays & ƒon eƒprit vital,
D'eƒcueils & flots par la mer ƒecoüée,
Six cents & ƒept & dix cœur aƒƒiegé,
Et des reflux de ƒon corps affligé
Sa vie eƒtant ƒur ce mal renoüée.
XXIIII.
Le Mercurial non de trop longue vie,
Six cens & huict & vingt, grand maladie,
Et encor pis danger de feu & d'eau,
Son grand amy lors luy sera contraire,
De tels hazards se pourroit bien distraire,
Mais bref, le fer luy sera son tombeau.
XI. XXIV.**
Le Mercurial non de trop longue vie,
Six cents & hui¢t & vingt, grand maladie,
Et encor pis danger de feu & d'eau,
Son grand amy lors luy ƒera contraire,
De tels hazards ƒe pourroit-il bien diƒtraire,
Mais bref, le fer luy fera ƒon tombeau.
XXV.
Six cens & six, six cens & neuf,
Vn Chancelier gros comme vn bœuf,
Vieux comme le Phœnix du monde,
En ce terroir plus ne luyra
De la nef d'oubly passera
Aux champs Elisiens faire ronde.
XI. XXV.**
Six cents & ƒix, ƒix cents & neuf,
Vn Chancellier gros comme vn bœuf,
Vieux comme le phœnix du monde,
En ce terroir plus ne luira,
De la nef d'oubly paƒƒera,
Aux champs Eliƒiens faire ronde.
XXVI.
Deux freres sont de l'ordre Ecclesiastique,
Dont l'vn prendra pour la France la pique,
Encore vn coup, si l'an six cens & six
N'est affligé d'vne grand' maladie,
Les armes en main iusques six cens & dix,
Guieres plus loing ne s'estendant sa vie.
XI. XXVI.**
Deux freres ƒont de l'ordre Eccleƒiaƒtique,
D'ont l'vn prendra pour la France la picque,
Encore vn coup, ƒi l'an ƒix cents & ƒix
N'eƒt affligé d'vne grand' maladie,
Les armes en main iuƒques ƒix cents & dix,
Gueres plus loin ne s'eƒtendant ƒa vie.
XXVII.
Celeste feu du costé d'Occident,
Et du Midy, courir iusques au Leuant,
Vers demy morts sans point trouuer racine
Troisiesme aage, à Mars le Belliqueux,
Des Escarboucles on verra briller feux,
Aag Escarboucle, & à la fin famine.
XI. XXVII.**
Celeƒte feu du coƒté d'Occident,
Et du Midy courir iuƒques au Leuant,
Vers demy morts ƒans point trouuer racine
Troiƒieme aage à Mars le belliqueux,
Des eƒcarboucles on verra briller feux,
Aage eƒcarboucle, & à la fin famine.
XXVIII.
L'an mil six cens & neuf ou quatorziesme,
Le vieux Charon fera Pasques en Caresme,
Six cens & six, par escript le mettra,
Le Medecin, de tout cecy s'estonne,
A mesme temps assigné en personne
Mais pour certain l'vn d'eux comparoistra.
XI. XXVIII.**
L'an mil ƒix cents & neuf on quatorzieme,
Le vieux Charon fera Paƒques en Careƒme,
Six cents & ƒix, par eƒcrit le mettra
Le Medecin, de tout cecy s'eƒtonne,
A meƒme temps aƒƒigné en perƒonne,
Mais pou certain l'vn d'eux comparoiƒtra.
XXIX.
Le Griffon se peut apprester
Pour à l'ennemy resister
Et renforcer bien son armée,
Autrement l'Elephant viendra
Qui d'vn abord le surprendra,
Six cens & huict, mer enflammée,
XI. XXIX.**
Le Griffon ƒe peut appreƒter
Pour à l'ennemy reƒiƒter,
Et renforcer bien ƒon armée,
Autrement l'Elephant viendra,
Qui d'vn abord le ƒurprendra,
Six cents & hui¢t mer enflammée.
XXX.
Dans peu de temps Medecin du grand mal,
Et la sangsué d'ordre & rang inegal,
Mettront le feu à la branche d'Oliue,
Poste courir, d'vn & d'autre costé,
Et par tel feu leur Empire accosté,
Se r'alumant du franc finy saliue.
XI. XXX.**
Dans peu de temps Medecin du grand mal,
Et la ƒangƒué d'ordre tant inegal,
Mettront le feu à la branche d'Oliue,
Poƒte courir, d'vn & d'autre coƒté,
Et par tel feu leur Empire accoƒté,
Se r'alumant du franc finy ƒaliue.
XXXI.
Celuy qui a, les hazards surmonté,
Qui, fer, feu, eauë, n'a iamais redouté,
Et du pays bien proche de Basacle,
D'vn coup de fer tout le monde estonné,
Par Crocodil estrangement donné,
Peuple raui de veoir un tel spectacle.
XI. XXXI.**
Celuy qui a les hazards ƒurmonté,
Qui fer, feu, eau n'a iamais redouté,
Et du pays bien proche de Baƒacle,
D'vn coup de fer tout le monde eƒtonné,
Par Crocodil eƒtrangement donné,
Peuple rauy de voir vn tel ƒpe¢tacle.
XXXII.
Vin à foison, tres-bon pour les gendarmes,
Pleurs & souspirs, plainctes cris & alarmes
Le Ciel fera ses tonnerres pleuuoir
Feu, eau & sang, le tout meslé ensemble,
Le Ciel de sol, en fremit & en tremble,
Viuant n'a veu ce qu'il pourra bien veoir.
XI. XXXII.**
Vin à foiƒon, tres-bon pour les genƒdarmes,
Pleurs & ƒouƒpirs, plaintes, cris & allarmes,
Le ciel fera ƒes tonnerres pleuuoir,
Feu, eau & ƒang, le tout meƒlé enƒemble,
Le Ciel de ƒol, en fremit & en tremble,
Viuant n'a veu ce qu'il pourra bien voir.
XXXIII.
Bien peu apres sera tres-grand misere,
Du peu de bled, qui sera sur la terre,
Du Dauphiné, Prouuence & Viuerois,
Au Viuaeois est vn pauure presage,
Pere du fils, sera antropophage,
Et mangeront racine & gland du bois.
XI. XXXIII.**
Bien peu apres ƒera tres grand miƒere,
Du peu de bled, qui ƒera ƒur la terre,
Du Dauphiné, Prouence & Viuarais,
Au Viuarais eƒt vn pauure preƒage,
Pere du fils ƒera au tropophage,
Et mangeront racine & gland du bois.
XXXIIII.
Princes & Seigneurs tous se feront la guerre,
Cousin germain, le frere auec le frere,
Finy l'Arby de l'heureux de Bourbon,
De Hierusalem les Princes tant aymables,
Du fait commis enorme & execrable,
Se ressentiront sur la bourse sans fond.
XI. XXXIV.**
Princes & Seigneurs tous ƒe feront la guerre,
Couƒin germain le frere auec le frere,
Tiny l'Arby de l'heureux de Bourbon,
De Hieruƒalem les Princes tant aimables,
Du fait commis enorme & execrables,
Se reƒƒentiront ƒur la bourƒe ƒans fond.
XXXV.
Dame par mort grandement attristée,
Mere & tutrice au sang qui l'a quittée,
Dame & Seigneurs, faits enfans orphelins,
Par les aspics & par les Crocodilles,
Seront surpris forts Bourgs Chasteaux & villes,
Dieu tout puissant les garde des malins.
XI. XXXV.**
Dame par mort grandement attriƒtée,
Mere & tutrice au ƒang qui l'a quittée.
Dame & Seigneurs, faits enfans orphelins,
Par les Aƒpics & par les Crocodilles,
Seront ƒurpris forts bourgs, chaƒteaux & villes,
Dieu Tout-puiƒƒant les garde des malins.
XXXVI.
La grand rumeur qui sera par la France,
Les impuissans voudront auoir puissance,
Langue emmiellée & vrays Cameleons,
De boutefeux, allumeurs de chandelles,
Pyes & geys, rapporteurs de nouuelles
Dont la morsure semblera Scorpions.
XI. XXXVI.**
La grand Rumene qui ƒera par la France,
Les impuiƒƒans voudront auoir puiƒƒance,
Langue emmielée & vrays Cameleons,
De boute-feux, allumeurs de chandelles,
Pies & geys, rapporteurs de nouuelles,
Dont la morƒure ƒemblera Scorpions.
XXXVII.
Foible & puissant seront en grand discord,
Plusieurs mourront auant faire l'accord
Foible au puissant vainqueur se fera dire,
Le plus puissant au ieune cedera,
Et le plus vieux des deux decedera,
Lors que l'vn d'eux enuahira l'Empire.
XI. XXXVII.**
Foible & puiƒƒant ƒeront en grand diƒcord,
Pluƒieurs mourront auant faire l'accord,
Foible au puiƒƒant vainqueur ƒe fera dire,
Le plus puiƒƒant au ieune cedera,
Et le plus vieux des deux decedera,
Lors que l'vn d'eux enuahira l'Empire.
XXXVIII.
Par eaue, & par fer, & par grand maladie,
Le pouruoyeur à l'hazard de sa vie
Sçaura combien vaut le quintal du bois,
Six cens & quinze, ou le disneusiesme,
On grauera d'vn grand Prince cinquiesme
L'immortel nom, sur le pied de la Croix.
XI. XXXVIII.**
Par eau, & par fer, & par grand maladie
Le pouruoyeur à l'hazard de ƒa vie
Sçaura combien vaut le quintal du bois,
Six cents & quinze, ou le dix-neufieme
On grauera d'vn grand Prince cinquieme
L'immortel nom ƒur le pied de la Croix.
XXXIX.
Le pouruoyeur du monstre sans pareil,
Se fera veoir ainsi que le Soleil,
Montant le long la ligne Meridienne,
En poursuiuant l'Elephant & le loup,
Nul Empereur ne fit jamais tel coup,
Et rien plus pis à ce Prince n'aduienne.
XI. XXXIX.**
Le pouruoyeur du monƒtre ƒans pareil
Se fera voir ainƒi que le Soleil
Montant le long la ligne Meridienne,
En pourƒuiuant l'Elephant & le Loup,
Nul Empereur ne fit iamais tel coup,
Et rien plus pis à ce Prince n'aduienne.
XL.
Ce qu'en viuant le pere n'auoit sceu,
Il acquerra ou par guerre, ou par feu
Et combattra la sangsuë irritée,
Ou iouyra de son bien paternel
Et fauory du grand Dieu Eternel,
Aura bien tost sa Prouince heritée.
XI. XL.**
Ce qu'en viuant le pere n'auoit ƒceu,
Il acquerra ou par guerre ou par feu,
Et combattra la ƒanƒuë is ritée,
Ou iouyra de ƒon bien paternel,
Et fauory du grand Dieu Eternel,
Aura bien toƒt ƒa prouince heritée.
XLI.
Vaisseaux, galleres auec leur estendar,
S'entrebattront prés du mont Gilbattar
Et lors sera sors fait à Pampelonne,
Qui pour son bien souffrira mile maux
Par plusieurs fois soustiendra les assaux,
Mais à la fin vnie à la Couronne.
XI. XLI.**
Vaiƒƒeaux, galleres auec leur eƒtendar
S'entrebattront pres du mont Gilbartar,
Et lors ƒera fort fait à Pampelonne,
Qui pour ƒon bien ƒouffrira mile maux,
Par pluƒieurs fois ƒouƒtiendra les aƒƒaux,
Mais a la fin vny à la Couronne.
XLII.
La grand' Cité où est le premier homme,
Bien amplement la ville ie vous nomme,
Tout en alarme, & le soldat és champs
Par fer & eauë, grandement affligée,
Et à la fin, des François soulagée,
Mais ce sera dés six cens & dix ans.
XI. XLII.**
La grand' cité où eƒt le premier homme,
Bien amplement la Ville ie vous nomme,
Tout en allarme, & le ƒoldat és champs
Par fer & eau, gran dement affligée,
Et à la fin des François ƒoulagée,
Mais ce ƒera des ƒix cents & dix ans.
XLIII.
Le petit coing, Prouinces mutinées,
Par forts Chasteaux se verront dominées,
Encor vn coup par la gent militaire,
Dans bresseront fortement assiegez,
Mais ils seront d'vn tres-grand soulagez,
Qui aura fait entrée dans Beaucaire.
XI. XLIII.**
Le petit coin, Prouinces mutinées,
Par forts chaƒte aux ƒe verront dominées,
Encor vn coup par la gent militaire
Dans breƒ ƒeront ƒortement aƒƒiegez,
Mais ils ƒeront d'vn tres-grand ƒoulagez,
Qui aura fait entrée dans Beaucaire..
XLIIII.
La belle rose en la France admirée,
D'vn tres-grand Prince a la fin desirée,
Six cens & dix, lors naistront ses amours
Cinq ans apres, sera d'vn grand blessee
De trait d'Amour, elle sera enlassée,
Si à quinze ans du Ciel reçoit secours.
XI. XLIV.**
La belle roze en la France admirée,
D'vn tres-grand Prince à la fin deƒirée,
Six cents & dix, lors naiƒtront ƒes amours,
Cinq ans apres ƒera d'vn grand bleƒƒée,
De trai¢t d'Amour elle ƒera enlaƒƒée,
Si à quinze ans du Ciel reçoit ƒecours.
XLV.
De coup de fer, tout le monde estonné
Par Crocodil estrangement donné,
A vn bien grand, parent de la sangsuë,
Et peu aupres sera vn autre coup,
De guet à pens, commis contre le loup,
Et de tels faits on en verra l'issuë.
XI. XLV.**
De coup de fer, tout le monde eƒtonné,
Par Crocodil eƒtrangement donné,
A vn bien grand parent de la ƒangƒuë,
Et peu aupres ƒera vn autre coup
De guet à pend, commis contre le loup,
Et de tels faits on en verra l'iƒƒuë.
XLVI.
Le pouruoyeur mettra tout en desroute,
Sangsuë & loup, en mon dire n'escoute
Quand Mars sera au signe du Mouton
Ioint à Saturne, & Saturne à la Lune,
Alors sera ta plus grande infortune,
Le Soleil lors en exaltation.
XI. XLVI.**
Le pouruoyeur mettra tout en deƒroute,
Sangƒuë, & loup en mon dire n'eƒcoute,
Quand Mars ƒera au ƒigne du Mouton,
Ioint à Saturne, & Saturne à la Lune,
Alors ƒera ta plus grande infortune,
Le Soleil lors en exaltation.
XLVII.
Le grand d'Hongrie, ira dans la nacelle,
Le nouueau né, fera guerre nouuelle
A son voisin qu'il tiendra assiegé,
Et le noireau auec son altesse,
Ne souffrira, que par trop on le presse,
Durant trois ans ses gens tiendra rangé.
XI. XLVII.**
Le grand d'Hongrie ira dans la nacelle,
Le nouueau né fera guerre nouuelle
A ƒon voiƒin, qu'il tiendra aƒƒiegé,
Et le noireau auecque ƒon Alteƒƒe
Ne ƒouffrira que par trop on le preƒƒe,
Durant trois ans ƒes gens tiendra rangé.
XLVIII.
Du vieux Charon on verra le Phœnix,
Estre premier & dernier des fils,
Reluire en France, & d'vn chascun aymable,
Regner long-temps, auec tous les honneurs
Qu'auront iamais eu ses predecesseurs
Dont il rendra sa gloire memorable.
XI. XLVIII.**
Du vieux Charon on verra le phœnix,
Eƒtre premier & dernier de ƒes fils,
Reluire en France, & d'vn chacun aimable,
Regner long-temps, auec tous les honneurs
Qu' aurontiamais eu ƒes predeceƒƒeurs,
Dont il rendra ƒa gloire memorable.
XLIX.
Venus & Sol, Iupiter & Mercure
Augmenteront le genre de nature,
Grande alliance en France se fera,
Et du Midy la sangsuë de mesme,
Le feu esteint par ce remede extréme,
En terre ferme Oliuier plantera.
XI. XLIX.**
Venus & Sol, Iupiter & Mercure
Augmenteront le genre de nature,
Grande alliance en France ƒe fera,
Et du Midy la ƒangƒnë de meƒme,
Le feu eƒteint par ce remede extreme
En terre ferme Oliuier plantera.
L.
Vn peut deuant ou apres l'Angleterre
Par mort de loup, mise au bas que terre,
Verra le feu resister contre l'eau,
Le r'halumant auecques telle force
Du sang humain, dessus l'humaine escorce
Faite de pain, bondance de consteau.
XI. L.**
Vn peu deuant ou apres l'Angleterre
Par mort de Loup miƒe auƒƒi bas que terre,
Verra le feu reƒiƒter contre l'eau,
Le r'allumant auecque telle force
Du ƒang humain, deƒƒus l'humaine eƒcorce
Faite de pain, bondance de couƒteau.
LI.
La ville qu'auoit en ses ans
Combatu l'iniute du temps,
Qui de son vainqueur tient la vie.
Celuy qui premier l'a surprist,
Que peu apres François reprist
Par combats encor affoiblie.
XI. LI.**
La Ville qu'auoit en ƒes ans
Combatu l'iniure du temps,
Qui de ƒon vainquer tient la vie,
Celuy qui premier l'a ƒurpriƒt,
Que peu apres François repriƒt,
Par combats encor affoiblie.
XI. LII.**
La grand Cité qui n'a pain à demy,
Encor vn coup la ƒain¢t Barthelemy
Engrauera au profond de ƒon ame,
Niƒmes, Rochelle, Geneue & Montpellier,
Caƒtre, Lyon, Mars entrant au Belier,
S'entrebattront le tout pour vne Dame.
XI. LIII.**
Pluƒieurs mourront auant que Phœnix meure,
Iuƒques ƒix cents ƒeptante eƒt ƒa demeure,
Paƒƒé quinze ans, vingt & vn, trente-neuf,
Le premier eƒt ƒuiet à maladie,
Et le ƒecond au fer, danger de vie,
Au feu à l'eau eƒt ƒuiet trente-neuf.
XI. LIV.**
Six cens & quinze, vingt, grand Dame mourra,
Et peu apres vn fort long temps plouura,
Pluƒieurs pays, Flandres & l'Angleterre
Seront par feu & par fer affligez,
De lours voiƒins longuement aƒƒiegez,
Contraints ƒeront de leur faire la guerre.
XI. LV.**
Vn peu deuans ou apres tres-grand Dame
Son ame au Ciel & ƒon|corps ƒous la lame,
De pluƒieurs gens regrettée ƒera,
Tous ƒes parens ƒeront en grand triƒteƒƒe,
Pleurs & ƒouƒpirs d'vne Dame en ieuneƒƒe,
Et à deux grands le dueil delaiƒƒera.
LVI.
Tost l'Elephant de toutes parts verra
Quand pouruoyeur au Griffon se ioindra,
Sa ruine proche, & Mars qui toûjours grôde :
Fera grands faits aupres de terre saincte,
Grands estendars sur la terre & sur l'onde,
Si la nef a esté de deux freres enceinte.
XI. LVI.**
Toƒt l'Elephant de toutes parts verra
Quand pourvoyeur au Griffon ƒe ioindra,
Sa ruine proche, & Mars, qui touƒiours gronde,
Fera grands faits aupres de terre ƒain¢te,
Grands eƒtendars ƒur la terre & l'onde,
Si la nef a eƒté de deux freres enceinte.
LVII.
Peu apres l'aliance faicte,
Auant solemniser la feste,
L'Empereur le tout troublera,
Et la nouuelle mariée,
Au franc pays par fort liée,
Dans peu de temps apres mourra.
XI. LVII.**
Peu apres l'alliance faite,
Auant ƒolemniƒer la feƒte,
L'Empereur le tout troublera,
Et la nouuelle mariée
Au franc pays par ƒort liée.
Dans peu de temps apres mourra.
LVIII.
Sangsuë en peu de temps mourra,
Sa mort bon signe nous donra,
Pour l'accroissement de la France,
Alliance se trouueront,
Deux grands Royaumes se ioindront,
François aura sur eux puissance.
XI. LVIII.**
Sangƒuë eu peu de temps mourra,
Sa mort bon ƒigne nous donra
Pour l'accroiƒƒement de la France,
Alliances ƒe trouueront,
Deux grands Royaumes ƒe ioindront,
François aura ƒur eux puiƒƒance.
PROPHETIES DE MAISTRE
Nostradamus.
CENTVRIE XI.
XI. 91.
MEysinier, Manthi & le tiers qui viendra
Peste & nouueau insult, enclos troubler :
Aix & les lieux fureur dedans mordra
Puis les Phocens viendrôt luer mal doubler.
XI. 91.*
Meyƒnier, Manthi, & le tiers qui viendra
Peƒte & nouueau inƒult, enclos troubler :
Aix & les lieux fureur dedans mordra.
Puis les Phocens viendront luer mal doubler.
XI. 91.*
Meyƒnier, Manthi, & le tiers qui viendra
Peƒte & nouueau inƒult, enclos troubler.
Aix & les lieux fureur dedans mordra.
Puis les Phocens viendront luer mal doubler.
XI. 91.**
Meynier, Mauthi, & le tiers qui viendra
Peƒte & nouueau inƒult, enclos troubler,
Aix, & les lieux fureur Dedans mordra,
Puis les Phociens viendront luer mal doubler.
XI. 97.
Par Ville-franche, Mascon en desarroy :
Dans les fagots seront soldats cachez.
Changer de temps en prime pour le Roy.
Par de Chalon & Moulins tous hachez.
XI. 97.*
Par Villefranche Maƒcon en deƒarroy :
Dans les fagots ƒeront ƒoldats cachez.
Changer de temps en prime pour le Roy.
Par de Chalon & Moulins tous hachez.
XI. 97.**
Par Ville-franche, Maƒcon en deƒarroy
Dans les fagots ƒeront ƒoldats cachez,
Changer de temps en prime pour le Roy,
Par de Chalon & Moulins tous hachez.
ALL Texts on this website are for PERSONAL viewing only and are copyright the respective companies. No Text may be used, published or redistributed in any way. All downloads are reported to the owner of the text. If you have questions or comments about this site, please e-mail them to pepa@water.fce.vutbr.cz.