CENTVRIE [ I | II | III | IV | V | VI | VII | VIII | IX | X | XI | XII ]
LES VRAYES CENTVRIES ET PRO-
pheties de Maistre Michel Nostradamus.
CENTVRIE CINQUIEME.
V. 1.
A Vant venuë de ruyne Celtique,
Dedans le temple deux parlementerôt,
Poignart cœur, d'vn monté au coursier & pique
Sans faire bruit le grand enterreront.
V. 1.**
AVANT venuë de ruine Celtique,
Dedans le temple deux parlementeront
Poignard cœur, d'vn monté au courƒier & picque,
Sans faire bruit le grand enterreront
V. 2.
Sept coniurez au banquet feront luyre,
Contre les trois le fer hors de nauire,
L'vn les deux classes au grand fera conduire,
Quand par le mail denier au front luy tire.
V. 2.**
Sept coniurez au banquet feront luire,
Contre les trois le fer hors de nauire.
L'vn les deux claƒƒes au grand fera conduire,
Quand par le mal dernier au front luy tire.
V. 3.
Le successeur de la Duché viendra,
Beaucoup plus outre que la mer de Toscane,
Gauloise branche la Florence tiendra,
Dans son giron d'accord nautique Rane.
V. 3.**
Le ƒucceƒƒeur de la Duché viendra.
Beaucoup plus outre que la mer de Toƒcane
Gauloiƒe branche la Florence tiendra,
Dans ƒon giron d'accord nautique Rane.
V. 4.
Le gros mastin de cité dechassé
Sera fasché de l'estrange alliance,
Apres aux champs auoir le chef chassé,
Le Loup & l'ours se donneront defiance.
V. 4.**
Le gros maƒtin de cité dechaƒƒé,
Sera faƒché de l'eƒtrange alliance,
Apres aux champs auoir le cerf chaƒƒé
Le loup & l'ours ƒe donront defiance.
V. 5.
Sous ombre saincte d'oster de seruitude,
Peuple & cité l'vsurpera luy-mesmes,
Pire fera par faux de ieune pute,
Liuré au champ lisant le faux proesme.
E iij
V. 5.**
Sous ombre feinte d'oƒter de ƒeruitude,
Peuple & cité l'vƒurpera luy-meƒme,
Pire fera par fraux de ieune pute,
Liuré au champ liƒant le faux poëme.
V. 6.
Au Roy l'augure sus le chef la main mettre
Viendra prier pour la paix Italique;
A la main gauche viendra changer de Sceptre,
De Roy viendra Empereur pacifique.
V. 6.**
Au Roy l'augur ƒur le chef la main mettre,
Viendra prier pour la paix Italique :
A la main gauche viendra changer le ƒceptre,
De Roy viendra Empereur pacifique.
V. 7.
Du trium vir seront trouuez les os,
Cerchant profond tresor enigmatique :
Ceux d'alentour ne seront en repos,
De concauer marbre & plomb metalique.
V. 7.**
Du Triumuir ƒeront trouuez les os,
Cherchant profond treƒor enigmatique.
Ceux d'alentour ne ƒeront en repos.
Ce concauer marbre & plomb metalique.
V. 8.
Sera laissé le feu mort vif caché,
Dedans les globes horribles espouuentable
De nuict à classé cité en poudre laché,
La cité à feu, l'ennemy fauorable.
V. 8.**
Sera laiƒƒé feu vif, & mort caché,
Dedans les globes horrible eƒpouuentable,
De nui¢t à claƒƒé cité en poudre laƒché,
La cité à feu, l'ennemy fauorable.
V. 9.
Iusques au fond la grand arq demoluë,
Par chef captif l'amy anticipé,
Naistra de dame front face cheueluë,
Puis par astuce Duc à mort attrappé.
V. 9.**
Iuƒques au fond de la grand arq de moluë,
Par chef captif l'amy anticipé,
Naiƒtra de dame front face cheueluë,
Lors par aƒtuce Duc à mort attrapé.
V. 10.
Vn chef Celtique dans le conflit blessé,
Aupres de caue voyant siens mort abbatre :
De sang & playes & d'ennemis pressé,
Et secours par incogneuz de quatre.
V. 10.**
Vn chef Celtique das le confli¢t bleƒƒé,
Aupres de caue voyant ƒien, mort abbattre :
De ƒang & playes & d'ennemis preƒƒé,
Et eƒt ƒecours par incogneuz de quatre.
V. 11.
Mer par solaires seure ne passera,
Ceux de Venus tiendront toute l'Affrique :
Leur regne plus Sol, Saturne n'occupera,
Et changera la mort Asiatique.
V. 11.**
Mer par Solaires ƒeure ne paƒƒera,
Ceux de Venus tiendront toute l'Affrique :
Leur regne plus Saturn n'occupera,
Et changera la part Aƒiatique,
V. 12.
Aupres du Lac Leman sera conduite,
Par garse estrange cité voulant trahir,
Auant son meurtre à Aspurg la grand fuitte,
Et ceux du Rhin la viendront inuahir.
V. 12.**
Aupres du lac Leman ƒera conduite,
Par garce eƒtrange cité voulant trahir :
Auant ƒon meurtre à Ausbourg la grand ƒuite,
Et ceux du Rhin la viendront inuahir.
V. 13.
Par grand fureur le Roy Romain Belgique,
Vexer voudra par phalange barbare :
Fureur grinçant chassera gent Lybique,
Depuis Pannons iusques Hercules la hare.
V. 13.**
Par grand fureur le Roy Romain Belgique
Vexer voudra par phalange Barbare :
Fureur grinƒƒant, chaƒƒera gent Lybique
Depuis Pannons iuƒques Hercules la hare.
V. 14.
Saturne & Mars en Leo Espagne captiue,
Par chef Libique au conflit attrapé :
Proche de Malte, Heredde prinse viue,
Et Romain sceptre sera par coq frappé.
V. 14.**
Saturne & Mars en Leo Eƒpagne captiue,
Par chef Lybique au confli¢t attrapé :
Proche de Malte, Herod de prinƒe viue,
Et Romain ƒceptre ƒera par Coq frappé.
V. 15.
En nauigant captif prins grand pontife;
Grands apprestez saillir les clercs tumultuez :
Second esleu absent son bien debise,
Son fauory bastard à mort tué.
V. 15.**
Et nauigeant captif prins grand Pontife,
Grand apres faillir les Clercs tumultuez :
Second eƒleu abƒent ƒon bien debiffe,
Son fauory baƒtard à mort rué.
V. 16.
A son haut prix la lerme Sabee,
D'humaine chair pour mort en cendre mettre,
A l'isle Pharos croisars perturbee,
Alors qu'a Rodes paroistra dure espectre.
V. 16.**
A ƒon haut pris plus la larme ƒabée,
D'humaine chair par mort en cendre mettre,
A l'iƒle de Pharos par Croiƒƒars perturbée,
Alors qu à Rhodes paroiƒtra deux eƒpe¢tre.
V. 17.
De nuict passant le Roy pres d'vne Andronne
Celuy de Cypres & principal guette,
Le Roy failly la main fuit long du Rosne,
Les coniurez l'iront à mort mettre.
V. 17.**
De nui¢t paƒƒant le Roy pres d'vne Androne,
Celuy de Cipres, & principalement guette.
Le Roy failly, la main fuit long du Roƒne,
Les coniurez l'iront à la mort mettre.
V. 18.
De dueil mourra l'infelix profligé,
Celebrera son vitrix l'heccatombe :
Pristine loy, franc Edit redigé,
Le mur & Prince au septieme iour tombe.
V. 18.**
De dueil mourra l'infelix profligé,
Celebrera ƒon vi¢trix l'hecatombe :
Priƒtine loy, franc edi¢t redigé,
Le mur & Prince au ƒeptiéme iour tombe.
V. 19.
Le grand Royal d'or, d'airain augmenté,
Rompu la pache, par ieune ouuerte guerre,
Peuple affligé par vn chef lamenté,
De sang barbare sera couuert de terre.
V. 19.**
Le grand Royal d'or d'airin augmenté,
Rompu la pache, par ieune ouuerte guerre :
Peuple affligé par vn chef lamenté,
De ƒang barbare ƒera couuerte terre.
V. 20.
Delà les Alpes grand armee passera,
Vn peu deuant naistra monstre vapin :
Prodigieux & subit tournera,
Le grand Toscan à son lieu plus propin.
V. 20.**
Delà les Alpes grande amour paƒƒera,
Vn peu deuant naiƒtre monƒtre vapin :
Prodigieux & ƒubit tournera
Le grand Toƒquan à ƒon lieu plus propin.
V. 21.
Par le trespas du Monarque latin,
Ceux qu'il aura par regne secourus :
Le feu luyra, diuisé le butin,
La mort publique aux hardis incorus,
V. 21.**
Par le treƒpas du Monarque Latin,
Ceux qu'il aura par regne ƒecourus :
Le feu luira diuiĎ le butin.
La mort publique aux hardis incourus.
V. 22.
Auant qu'a Rome grand ait rendu l'ame,
Effrayeur grande à l'armee estrangere :
Par escadrons l'embusche pres de Parme,
Puis les deux rouges ensemble feront chere.
V. 22.**
Auant qu'à Rome grand aye rendu l'ame
Effrayeur grande à l'armee eƒtrangere
Par eƒquadrons l'embuƒche pres de Parme,
Puis les deux rouges enƒemble feront chere.
V. 23.
Les deux contents seront vnis ensemble
Quant la pluspart à Mars sera conioinct :
Le grand d'Affrique en effrayeur & tremble,
Duumuirat par la classe desioint.
V. 23.**
Les deux contens ƒeront vnis enƒemble,
Quand la pluƒpart à Mars ƒeront conioint,
Le grand d'Afrique en effray eur tremble,
DVVMVIRAT par la claƒƒe deƒioint.
V. 24.
Le regne & loy soubs Venus esleué,
Saturne aura sus Iupiter empire :
La loy & regne par le Soleil leué,
Par Saturnius endurera le pire :
V. 24.**
Le regne & loy ƒous Venus eƒleué,
Saturne aura ƒus Iupiter empire,
La loy, & regne par le Soleil leué,
Par Saturnius endurera le pire.
V. 25.
Le prince Arabe, Mars, Sol, Venus, Lyon,
Regne d'Eglise par mer succombera :
Deuers la Perse bien pres d'vn million,
Bisance, Egypte, ver. serp. inuadera.
V. 25.**
Le Prince Arabe, Mars, Sol, Venus, Lyon,
Regne d'Egliƒe par mer ƒuccombera :
Deuers la Perƒe bien pres d'vn million,
Biƒance, Egypte ver. ƒerp, inuadera.
V. 26.
La gent esclaue par vn heur martiel,
Viendra en haut degré tant esleué :
Changeront prince, naistra vn prouincial,
Passer la mer copie aux monts leué.
V. 26.**
La gent eƒclaue par vn heur Martial
Viendra en haut degré tant eƒleuée,
Changeront Prince, naiƒtra vn Prouincial,
Paƒƒer la mer copie aux monts leuée.
V. 27.
Par feu & armes non loing de la marnegro,
Viendra de Perse occuper Trebisonde :
Trembler Pharos Methelin, Solalegro,
De sang Arabe d'Hadrie couuert onde.
V. 27.**
Par feu & armes non loing de la marnegro,
Viendra de Perƒe occuper Trebiƒonde :
Trembler Pharos Merhelin, Sol allegro,
De ƒang Arabe d'Adrio couuert onde.
V. 28.
Le bras pendu & la iambe liée,
Visage pasle au sein poignard caché :
Trois qui seront iurez de la meslée,
Au grand de Gennes sera le fer lasché.
V. 28.**
Le bras pendant à la iambe liée,
Viƒage paƒle, au ƒein poignard caché,
Trois qui ƒeront iurez de la meƒlée
Au grand de Gennes ƒera le fer laƒché.
V. 29.
La liberté ne sera recouurée,
L'occupera noir fier vilain inique :
Quant la matiere du pont sera ouurée,
D'Hister, Venise faschée la republique.
V. 29.**
La liberté ne ƒera recouurée,
L'occupera noir, fier, vilain iniques
Quand la matiere du pont ƒera ouurée,
D'Hiƒter, Veniƒe faƒchée la republique.
V. 30.
Tout à l'entour de la grande cité,
Seront soldats logez par champs & ville,
Donner l'assaut Paris, Rome incité,
Sur le pont lors sera faite grand pille,
V. 30.**
Tout à l'entour de la grande cité
Seront ƒoldats logez par champs & villes.
Donner l'aƒƒaut, Paris, Rome incité
Sur le pont lors ƒera faite grand pille.
V. 31.
Par terre antique chef de la sapience,
Qui de present est la rose du monde :
Pour ruyné & sa grand preminence,
Sera subdite & naufragé des vndes.
V. 31.**
Par terre Attique chef de la ƒapience,
Qui de preƒent eƒt la roƒe du monde :
Pour ruiné & ƒa grand preeminence
Sera ƒubdite & naufrage des ondes.
V. 31.
Ou tout bon est tout bien Soleil & Lune,
Est abondant sa ruyne s'approche,
Du ciel s'aduance vaner ta fortune,
En mesme estat que la septiesme roche.
V. 32.**
Où tout bon eƒt tout bien Soleil, & Lune
Eƒt abondant, ƒa ruine s'approche.
Du ciel s'auance de vaner ta fortune,
En meƒme eƒtat que la ƒeptiéme roche.
V. 33.
Des principaux de cité rebellée
Qui tiendront fort pour liberté rauoir :
Detrencher masses infelice meslée,
Cris vrlemens a Nante; piteux voir.
V. 33.**
Des principaux de cité rebellée
Qui tiendront fort pour liberté r'auoir.
Detrancher maƒles, infelice meƒlée,
Crys, heurlemens à Nantes piteux voir.
V. 34.
Du plus profond de l'occident Anglois.
Ou est le chef de l'isle Britannique :
Entrera classe dans Gyronde par Blois,
Par vin & feux cachez aux barriques.
V. 34.**
Du plus profond de l'Occident Anglois
Où eƒt le chef de l'iƒle Britanique
Entrera claƒƒe dans Cyronne par Blois
Par vin & ƒel, ceux cachez aux barriques.
V. 35.
Par cité franche de la grand mer Seline,
Qui porte encore à l'estomach la pierre :
Angloise classe viendra sous la bruine,
Vn rameau prendre du grand ouuerte guerre.
V. 35.*
Par cité franche de la grand mer Seline,
Qui porte encore à l'eƒtomac la pierre,
Angloiƒe claƒƒe viendra ƒoubs la bruine
Prendre vn rameau de grande ouuerte guerre.
V. 35.**
Par cité franche de la grand mer Seline,
Qui porte encores à l'eƒtomach la pierre,
Angloiƒe claƒƒe viendra ƒous la bruine
Vn rameau prendre, du grand ouuerte guerre.
V. 36.
De sœur le frere par simulte faintise,
Viendra mesler rosee en myneral :
Sur la placente donne à vieille tardiue,
Meurt le goustant sera simple & rural.
V. 36.**
De ƒœur le frere par ƒimulte fantiƒe
Viendra meƒler roƒée en mineral :
Sur la placente donne à veille tardiue,
Meurt le gouƒtant ƒera ƒimple & rural.
V. 37.
Trois cens seront d'vn vouloir & accord,
Que pour venir au bout de leur attainte :
Vingt mois apres tous & records,
Leur Roy trahir simulant haine fainte.
V. 37.**
Trois cents ƒeront d'vn vouloir & accord,
Qui pour venir au bout de leur attainte,
Vingt mois apres tous ƒeront & record
Leur Roy trahy ƒimulant haine fainte.
V. 38.
Ce grand monarque qu'au mort succedera,
Donnera vie illicite & lubrique :
Par nonchalance à tous concedera,
Qu'a la parfin faudra la loy Salique.
V. 38.*
Ce grand Monarque qu'au mort ƒuccedera,
Donnera vie illicite & lubrique :
Par nonchalance à tous concedera,
Qu'à la parfin faudra la loy Salique.
V. 38.**
Ce grand Monarque qu'au mort ƒuccedera,
Donnera vie illicite lubrique,
Par nonchalance à tous conce dera,
Qu'à la parfin faudra la loy Salique.
V. 39.
Du vray rameau des fleurs de lys yssu,
Mis & logé heritier d'Herutrie :
Son sang antique de longue main yssu,
Fera Florence florir en l'ermoirie.
V. 39.**
Du vray rameau de fleur de lys iƒƒu
Mis & logé heritier d'Etrurie :
Son ƒang antique de longue main tiƒƒu,
Fera Florence florir en l'armoirie.
V. 40.
Le sang royal sera si tresmeslé,
Contrainct seront Gaulois de l'Hesperie :
On attendra que terme soit coulé,
Et que memoire de la voix soit perie.
V. 40.**
Le ƒang Royal ƒera ƒi tres-meƒlé,
Contraints ƒeront Gaulois de l'Heƒperie :
On attendra que terme ƒoit coulé,
Et que memoire de la voix ƒoit perie.
V. 41.
Nay sous les vmbres & iournée nocturne
Sera en regne & bonté souueraine,
Fera renaistre son sang de l'antique verné,
Renouuellant siecle d'or pour l'airain.
V. 41.**
Nay ƒous les ombres & iournée no¢turne
Sera en regne & bonté ƒouueraine :
Fera renaiƒtre ƒon ƒang de l'antique vrne,
Renouuellant ƒiecle d'or pour l'airin.
V. 42.
Mars esleué en son plus haut beffroy,
Fera retraire les Allobrox de France :
La gent Lombarde fera si grand effroy,
A ceux de l'Aigle compris sous la Balance.
V. 42.**
Mars eƒleué en ƒon plus haut befroy,
Fera rertaite les Allobrox de France :
La gent Lombar de fera ƒi grand effroy,
A ceux de l'Aigle comprins ƒous la Balance.
V. 43.
La grand ruyne des sacrees ne s'eslongne,
Prouence, Naples, Sicile Seez & Ponce :
En Germanie, au Rin & à Cologne,
Vexez à mort par tous ceux de Magonce.
V. 43.**
La grand ruine des ƒacres ne s'eƒloigne,
Prouence, Naples, Sicile, Seez & Ponce :
En Germanie au Rhin & la Colongne :
Vexez à mort par tous ceux de Magonce.
V. 44.
Par mer le rouge sera prins des pyrates,
La paix sera par son moyen troublee :
L'ire & l'auare commettra par sainct acte,
Au grand Pontife sera l'armee doublee.
V. 44.**
Par mer le rouge ƒera prins des pyrates,
La paix ƒera par ƒon moyen troublée :
L'ire, & l'auare commettra par ƒain¢t a¢te,
Au grand Pontife ƒera l'armée doublée.
V. 45.
Le grand Empire sera tost desolé,
Et translaté pres d'arduenne silue :
Les deux bastards pres l'aisné decollé,
Et regnera Aeneodarb, nez de milue.
V. 45.**
Le grand Empire ƒera toft deƒolé,
Et tranƒlaté pres d'arduenne ƒilue :
Les deux baƒtards par l'aiƒné decolé,
Et regnera Ænodarb, nez de milue.
V. 46.
Par chappeaux rouges querelles & nouueaux
(scismes,
Quand on aura esleu le Sabinois,
On produira contre luy grands sophismes,
Et sera Rome lesee par Albanois.
V. 46.**
Par chapeaux rouges querelles & nouueaux ƒchiƒmes,
Quand on aura eƒleu le Sabinois :
On produira contre luy grands ƒophiƒmes,
Et ƒera Rome leƒée par Albanois.
V. 47.
Le grand Arabe marchera bien auant,
Trahy sera par les Bisantinois,
L'antique Rodes luy viendra au deuant,
Et plus grand mal par austre Pannonois.
V. 47.**
Le grand Arabe marchera bien auant,
Trahy ƒera par les Biƒantinois :
L'antique Rodes luy viendra au deuant,
Et plus grand mal par autre Pannonois.
V. 48.
Apres la grande affliction du sceptre,
Deux ennemis par eux seront daffaits,
Classe d'Affrique aux Pannonois viedra naistre,
Par mer & terre seront horribles faits.
V. 48.**
Apres la grande affli¢tion du ƒceptre,
Deux ennemis par eux ƒeront dafaits :
Claƒƒe Afrique aux Pannons viedra naiƒtre,
Par mer & terre ƒeront horribles faits.
V. 49.
Nul de l'Espagne mais de l'antique France,
Ne sera esleu pour le tremblant nacelle :
A l'ennemy sera faicte fiance,
Qui dans son regne sera peste cruelle.
V. 49.**
Nul de l Eƒpagne, mais de l'antique France,
Ne ƒera eƒleu pour le tremblant nacelle :
A l'ennemy ƒera faite fiance,
Qui dans ƒon regne ƒera peƒte cruelle.
V. 50.
L'an que les freres du lys seront en aage,
Lvn d'eux tiendra la grande Romanie,
Trembler les monts, ouuert Latin passage,
Pache marcher contre fort d'Armenie.
V. 50.**
L'an que les Freres du lys ƒeront en aage,
L'vn d'eux tiendra la grande Romanie :
Tremble ƒes monts, ouuert Latin paƒƒage.
Fache marcher contre fort d'Armenie.
V. 51.
La gent de Dace, d'Angleterre & Polonne,
Et de Bohesme feront nouuelle ligue :
Pour passer ourre d'Hercules la colonne,
Barcyns, Tyrrens dresser cruelle brigue.
V. 51.**
La gent de Dace, d, Angleterre, Polonne,
Et de Boëme feront nouuelle ligue :
Pour paƒƒer ourre d'Hercules la colomne,
Barcins, Tyrrens dreƒƒer cruelle brigue.
V. 52.
Vn Roy sera qui donrra l'opposite,
Les exilez esleuez sur le regne :
De sang nager la gent caste hypolite,
Et florira long temps soubs telle enseigne.
V. 52.**
Vn Roy ƒera qui donra l'oppoƒite,
Les exilez eƒleuez ƒur le regne :
De ƒang nager la gent caƒƒe hypolite,
Et florira long-temps ƒous telle enƒeigne.
V. 53.
La loy de Sol, & Venus contendans,
Appropriant l'esprit de prophetie :
Ne l'vn ne l'autre ne seront entendans,
Par Sol tiendra la loy du grand Messie.
V. 53.**
La loy du Sol, & Venus contendus.
Appropriant l'eƒprit de prophetie :
Ne l'vn ne l'autre ne ƒeront entendus,
Par Sol tiendra la loy du grand Meƒƒie.
V. 54.
Du pont Eunixe & la grand Tartarie,
Vn Roy sera qui viendra voir la Gaule,
Transpercera Alane & l'Armenie,
Et dans Bisance lairra sanglante Gaule.
V. 54.**
Du pont Euxine, & la grand Tartarie,
Vn Roy ƒera qui viendra voir la Gaule :
Tranƒpercera Alane & l'Armenie,
Et dans Biƒance lairra ƒanglante gaule.
V. 55.
De la felice Arabie contrade,
Naistre puissant de loy Mahometique :
Vexer l'Espagne, conquester la Grenade,
Et plus par mer a la gent Lygustique.
V. 55.**
De la Felice Arabie contrade,
Naiƒtra Puiƒƒant de la loy Mahometique :
Vexer l'Eƒpagne conqueƒter la Grenade,
Et plus par mer à la gent Lyguƒtique.
V. 56.
Par le trespas du tres vieillard pontife,
Sera esleu Romain de bon aage :
Qu'il sera dit que le Siege debiffe
Et long tiendra & de picquant ouurage.
V. 56.**
Par le treƒpas du tres vie illard Pontife
Sera eƒleu Romain de bou aage,
Qui ƒera dit que le ƒiege debiffe,
Et long tiendra, & de picquant ouurage.
V. 57.
Istra du mont Gaulsier & Auentin,
Qui par le trou aduertira l'armee :
Entre deux rocs sera prins le butin,
De Sext. mansol faillir la renommee.
V. 57.**
Iƒtra de mont Gaufier & Auentin,
Qui par le trou aduertira l'armée :
Entre deux rocs ƒera prins le butin,
De SEXT, manƒol faillir la renommée.
V. 58.
De l'archeduc d'Vticense, Gardoing,
Par la forest & mont inaccessible.
En my du pont sera tasché au poing,
Le chef Nemans qui tant sera terrible.
V. 58.**
De l'Aquedu¢t d'Vticenƒe Gardoing,
Par la foreƒt, & mont inacceƒƒible,
Emmy du pont ƒera tranché au poing,
Le chef Nemans qui tant ƒera terrible.
V. 59.
Au chef Anglois à Nimes trop feiour,
Deuers l'Espagne au secours Areobarbe,
Plusieurs mourront par Mars ouuert ce iour,
Quand en Artois faillir estoille en barbe.
V. 59.**
Au chef Anglois à Niƒmes trop ƒeiour,
Deuers l'Eƒpagne au ƒecours Ænobarbe :
Pluƒieurs mourront par Mars ouuert ce iour,
Quand en Arrois faillir eƒtoile en barbe.
V. 60.
Par teste rase viendra bien mal eslire,
Plus que sa charge ne porte passera :
Si grand fureur & rage fera dire,
Qu'à feu & sang tout sexe tranchera.
V. 60.**
Par reƒte raƒe viendra bien mal eƒlire,
Plus que ƒa charge ne porte paƒƒera.
Si grand fureur, & rage fera dire,
Qu'à feu & ƒang tout ƒexe tranchera.
V. 61.
L'enfant du grand n'estant à sa naissance,
Subiuguera les hauts monts Appennins,
Fera trembler tous ceux de la Balance,
Et des monts feux iusques à mont Cenis.
V. 61.**
L'enfant du grand n'eƒtant à ƒa naiƒƒance,
Subiuguera les hauts monts Appennins :
Fera trembler tous ceux de la Balance,
Et des monts feux iuƒques à Mont-ƒenis.
V. 62.
Sur les rochers sang on verra plouuoir,
Sol, Orient, Saturne Occidental,
Pres Orgon guerre, à Rome grand mal voir,
Nefs parfondrées & prins le Tridental,
V. 62.**
Sur les rochers ƒang on verra pleuuoir,
Sol Orient Saturne Occidental :
Pres d' Orgon guerre à Rome grand mal voir,
Nefs parƒondées, & prins le Tri dental,
V. 63.
De vaine emprinse l'honneur indeuë plainte,
Gallots errants, par latins froid, faim vagues :
Non loing du Tymbre de sang terre tainte
Et sur humains seront diuerses plagues.
V. 63.**
De vaine emprinƒe l'honneur indue plainte,
Galliots errans par latins, froid, faim, vagues
Non loing du Tymbre de ƒang la terre teinte,
Et ƒur humains ƒeront diuerƒes plagues.
V. 64.
Les assemblez par repos du grand nombre,
Par terre & mer, conseil contremandé :
Pres de l'Automne, Gennes, Nice de l'ombre,
Par champs & villes le chef contrebandé.
V. 64.**
Les aƒƒemblez par repos du grand nombre,
Par terre & mer conƒeil contremandê :
Pres de l'Automne Gennes, Nice de l'ombre,
Par champs & villes le chef contrebandé.
V. 65.
Subit venu l'effrayeur sera grande,
Des principaux de l'affaire cachez :
Et dame en braise plus ne sera veuë,
De peu à peu seront les grands faschez.
V. 65.**
Subit venu l'effrayeur ƒera grande,
Des principaux de l'affaire cachez :
Et dame en braƒƒe plus ne ƒera en veüe,
De peu à peu ƒeront les grands fachez.
V. 66.
Soubs les antiques edifices estaux,
Non eslongnez d'aqueduct ruyne,
De Sol & Luna sont les luysants metaux,
Ardante lampe Trayan d'or buriné.
V. 66.**
Sous les antiques edifices veƒtaux,
Non eƒloigné d'aquedu¢t ruiné.
De Sol & Lune ƒont les luiƒans metaux
Ardente lampe Traian d'or buriné.
V. 67.
Quand chef Perousse n'osera sa tunique,
Sens au couuert tout nud s'expolier,
Seront print sept faict Aristocratique,
Le pere & fils morts par pointe au collier.
V. 67.**
Quand chef Perouƒe n'oƒera ƒa tunique,
Sans au couuert tout nud s'expolier :
Seront prins ƒept, fait Ariƒtocratique,
Le pere & fils morts par poin¢te au colier.
V. 68.
Dans le Danube & du Rin viendra boire,
Le grand Chameau, ne s'en repentira :
Trembler du Rosne & plus fort ceux de Loire,
Et pres des Alpes coq les ruynera.
V. 68.**
Dans le Danube & du Rhin viendra boire,
Le grand chameau ne s'en rependira :
Trembler du Roƒne, & plus fort ceux de Loyre,
Et pres des Alpes Coq le ruinera.
V. 69.
Plus ne sera le grand en faux sommeil,
L'inquiétude viendra prendre repos :
Dresser phalange d'or, azur & vermeil,
Subiuger Affrique la ronger iusque aux os.
V. 69.**
Plus ne ƒera le grand en faux ƒommeil,
L'inquietude viendra prendre repos :
Dreƒƒer Phalange d'or, azur & vermeil,
Subiuguer Afrique la ronger iuƒques aux os.
V. 70.
Des regions subiettes à la Balance,
Feront troubler les monts par grande guerre :
Captif tout sexe deu & toute bisance,
Qu'on criera à l'aube terre à terre.
V. 70.**
Des regions ƒuiettes à la Balance,
Feront troubler les monts par grande guerre :
Captifs tout ƒexe deu, & toute Biƒance,
Qu'on criera à l'aube terre à terre.
V. 71.
Par la fureur d'vn qui attendra l'eau,
Par la grand rage tout l'exercice esmeu,
Chargé de nobles à dix-sept batteaux,
Au long du Rosne tard messager venu.
Pour
V. 71.**
Par la fureur d'vn qui attendra l'eau,
Par la grand rage tout l'exercice eƒmeu :
Charge de nobles à dix-ƒept barreaux,
Au long du Roƒne tard meƒƒager venu.
V. 72.
Pour le plaisir d'edict voluptueux,
On meslera la poison dans l'aloy :
Venus sera en cours si vertueux,
Qu'offusquera du Soleil tout aloy.
V. 72.*
Pour le plaiƒir d'edi¢t voluptueux,
On meƒlera la poiƒon dans la loy.
Venus ƒera en cours ƒi vertueux,
Qu'obfuƒquera du Soleil tout aloy.
V. 72.**
Pour le plaiƒir d'edi¢t voluptueux,
On meƒlera la poiƒon dans la foy :
Venus ƒera en cours ƒi vertueux,
Qu'offuƒquera du Soleil tout à loy.
V. 73.
Persecutee de Dieu sera l'Eglise,
Et les saints temples seront expoliez :
L'enfant la mere mettra nud en chemise,
Seront Arabes aux Polons raliez.
V. 73.**
Perƒecutée ƒera de Dieu l'Egliƒe,
Et les ƒain¢ts Temples ƒeront expoliez :
L'enfant lamere mettra nud en chemiƒe,
Seront Arabes aux Pollons ralliez,
V. 74.
De sang Troy en naistra cœur Germanique,
Qui deuiendra en si haute puissance,
Hors chassera gent estrange Arabique,
Tournant l'Eglise en pristine preeminence.
V. 74.**
De ƒang Troyen naiƒtra cœur Germanique,
Qui deuiendra en ƒi haute puiƒƒance :
Hors chaƒƒera eƒtrange Arabique,
Tournant l'Egliƒe en priƒtine preeminence.
V. 75.
Montera haut sur le bien plus à dextre,
Demourra assis sur la pierre carree :
Vers le midy posé à sa fenestre,
Baston tortu en main bouche serree.
V. 75.**
Montera haut ƒur le bien plus à dextre,
Demeurera aƒƒis ƒur la pierre quarrée,
Vers le Midy poƒé à ƒa ƒeneƒtre,
Baƒton tortu en main, bouche ƒerrée.
V. 76.
En lieu libere tendra son pauillon,
Et ne voudra en citez prendre place :
Aix, Carpen, l'Isle volce mont Cauaillon
Par tout les lieux abolira la trasse.
V. 76.**
En vn lieu libre tendra ƒon pauillon,
Et ne voudra en citez prendre place :
Aix, Carpen l'iƒle volce, mont Cauaillon,
Par tous ƒes lieux abolira la traƒƒe.
V. 77.
Tous les degrez d'honneur Ecclesiastique,
Seront changez en dial quirinal :
En Martial quirinal flaminique,
Vn Roy de France le rendra vulcanal.
F
V. 77.**
Tous les degrez d'honneur Eccleƒiaƒtique,
Seront changez en dial quirinal :
En Martial quirinal flaminique,
Puis Roy de France le rendra vulcanal.
V. 78.
Les deux vnis ne tiendront longuement,
Et dans treze ans au barbare s'attrappe :
Aux deux costez feront tel perdement,
Qu'vn benira la barque & sa cappe.
V. 78.**
Les deux vnis ne tiendront longuement,
Et dans treze ans au Barbare Satrappe,
Aux deux coƒtez feront tel perdement,
Qu'vn benira, la barque, & ƒa cappe.
V. 79.
La sacree pompe viendra baisser les aisles
Par la venuë du grand Legislateur :
Humble haussera, vexera les rebelles,
Naistra sur terre aucun aemulateur.
V. 79.**
Par ƒacrée pompe viendra baiƒƒer les aiƒles,
Par la venuë du grand legiƒlateur :
Humble hauƒƒera, vexera les rebelles,
Naiƒtra ƒur terre aucun emulateur :
V. 80.
Logmion grande Bisance approchera,
Chassée sera la barbarique ligue,
Des deux loix l'vne l'aethinique laschera,
Barbare & franche en perpetuelle brigue.
V. 80.**
Logmion grande Biƒance approchera,
Chaƒƒée ƒera la barbarique ligue :
De deux loix l'vne l'eƒtinique laƒchera,
Barbare & franche en perpetuelle brigue.
V. 81.
L'oyseau Royal sur la Cité solaire,
Sept mois deuant fera nocturne augure :
Mur d'Orient cherra tonnerre esclaire,
Sept iours aux portes les ennemis à l'heure.
V. 81.**
L'oiƒeau royal ƒur la cité ƒolaire,
Sept mois deuant fera no¢turne augure :
Mur d'Orient cherra, tonnerre eƒclaire,
Sept iours aux portes les ennemis à l'heure,
V. 82.
Au conclud pache hors de la forteresse,
Ne sortira celuy en desespoir mis :
Quand ceux d'Albois, de Langres contre Bresse,
Auront monts Dolle bouscade d'ennemis.
V. 82.**
Au conclud pache hors de la fortereƒƒe,
Ne ƒortira celuy en deƒeƒpoir mis :
Quant ceux d'Arbois, de Langres, contre Breƒƒe
Auront moins Dole, Bouƒcade d'ennemis.
V. 83.
Ceux qui auront entrepris subuertir
Nompareil regne puissant & inuincible,
Feront par fraude, nuicts trois aduertir,
Quand le plus grand à table lira Bible.
V. 83.**
Ceux qui auront ent reprins ƒubuertir,
Nompareil regne, puiƒƒant & inuincible,
Feront par fraudes, & nui¢ts trois aduertir,
Quand le plus grand à table lira Bible.
V. 84.
Naistra du gouphre & cité immesuree,
Nay de parens obscurs & tenebreux :
Quand la puissance du grand Roy reueree,
Voudra destruire par Rouan & Eureux.
V. 84.**
Naiƒtra de vn goulphre & cité immeƒurée,
Nay de parens obƒcurs & tenebreux :
Qui a puiƒƒance du grand Roy reuerée,
Voudra deƒtruire par Roüan & Eureux.
V. 85.
Par les Sueues & lieux circonuoisins,
Seront en guerres pour cause des nuees,
Gamp marins locustes & cousins,
Du Leman fautes seront bien desnuees.
V. 85.**
Par les Sueues & lieux circonuoiƒins,
Seront en guerres pour cauƒé des nuées,
Camps marins & locuƒtes & couƒins,
Du Leman fautes ƒeront bien deƒnuées.
V. 86.
Par les deux testes & trois bras separez,
La cité grande par eau sera vexee,
Des grands d'entr'eux par exil esgarez,
Par teste perse, Bisance fort pressee.
V. 86.*
Par les deux teƒtes & trois bras ƒeparez
La grand cité ƒera par eux vexée.
Des Grands d'entre eux par exil eƒgarez.
Par teƒte Perƒe Byzance fort preƒƒée.
V. 86.**
Par les deux teƒtes, & trois bras ƒeparez,
La cité grande par eaux ƒera vexée :
Des grands d'entr'eux par exil eƒgarez,
Par teƒte Perƒe Biƒance fort preƒƒée.
V. 87.
L'an que Saturne sera hors de seruage,
Au franc terroir sera d'eau inondé :
De sang Troyen sera son mariage,
Et sera seur d'Espagnol circonder.
V. 87.**
L'an que Saturne ƒera hors de ƒeruage,
Au franc terroir ƒera d'eau inondé :
De ƒang Troyen ƒera ƒon mariage,
Et ƒera ƒeul d'Eƒpagnols circondé,
V. 88.
Sur le sablon par vn hydeux deluge,
Des autres mers trouué monstre marin :
Proche du lieu sera fait vn refuge,
Tenant Sauone esclaue de Turin.
V. 88.**
Sur le ƒablon par vn hideux deluge,
Des autres mers treuué monƒtre marin :
Proche du lieu ƒera faite vn refuge,
Tenant Sauone eƒclaue de Turin,
V. 89.
Dedans Hongrie par Boheme, Nauarre,
Et par banniere feintes seditions :
Par fleurs de lys pays portant la barre,
Contre Orleans fera esmotions.
F ij
V. 89.**
Dedans Hongrie, par Boheme, Nauarre,
Et par banniere ƒain¢tes ƒeditions :
Par fleurs-de-lys pays portant la barre,
Contre Orleans fera eƒmotions.
V. 90.
Dans les cyclades en Perinthe & Larisse,
Dedans Sparte tout le Pelloponesse;
Si grand famine, peste, par faux connisse,
Neuf mois tiendra & tout le cherrouesse.
V. 90.**
Dãns les cyclades, en Printhe, & Laryƒƒe,
Dedans Sparte tout le Peloponneƒƒe.
Si grand famine, peƒte par feux conniƒƒe,
Neuf mois tiendra, & tout le cheronneƒƒe,
V. 91.
Au grand marché qu'on dit des mensongers,
Du bout Torrent & camp Athenien :
Seront surprins par les cheuaux legers,
Par Albanois Mars, Leo, Sat. vn versien.
V. 91.**
Au grand marché qu'on dit des menƒongers,
Du tout torrent, & champ Athenien :
Seront ƒurprins par les cheuaux legers,
Par Albanois Mars, Leo, Sat. vn verƒien.
V. 92.
Apres le siege tenu dix sept ans,
Cinq changeront en tel reuolu terme :
Puis sera l'vn esleu de mesme temps,
Qui des Romains ne sera trop conforme.
V. 92.**
Apres le ƒiege tenu dix-ƒept ans,
Cinq changeront en tel reuolu terme :
Puis ƒera l'vn eƒleu de meƒme temps,
Qui des Romains ne ƒera trop conforme.
V. 93.
Sous le terroir du rond globe lunaire,
Lors que sera dominateur Mercure :
L'isle d'Escosse sera vn luminaire,
Qui les Anglois mettra à deconfiture.
V. 93.**
Sous le terroir du rond globe lunaire,
Lors que ƒera dominateur Mercure :
L'iƒle d'Eƒcoƒƒe fera vn luminaire,
Qui les Anglois mettra à deconfiture.
V. 94.
Translatera en la grand Germanie,
Brabant & Flandres, Gand, Burges & Bologne :
La treue sainte le grand duc d'Armenie,
Assaillira Vienne & la Cologne.
V. 94.**
Tranƒlatera en la grand Germanie,
Brabant & Flandres, Gand, Bruges & Bologne,
La trefue ƒeinte, le grand Duc d'Armenie,
Aƒƒaillira Vienne & la Cologne.
V. 95.
Nautique rame inuitera les vmbres,
Du grand Empire, lors viendra conciter :
La mer Egee des lignes les encombres,
Empeschant l'onde Tyrrene de floter.
V. 95.**
Nautique rame inuitera les ombres.
Du grand Empire lors viendra conciter :
La mer Ægée des lignes les encombres,
Empeƒchant l'onde Virenne deflottez.
V. 96.
Sur le milieu du grand monde la rose,
Pour nouueaux faits sang public espandu,
A dire vray on aura bouche close,
Lors au besoin viendra tard l'attendu.
V. 96.*
Sur le milieu du grand monde la roƒe
Pour nouueaux faits ƒang public eƒpandu.
A dire vray, on aura bouche cloƒe.
Lors au beƒoin viendra tard l'attendu.
V. 96.**
Sur le milieu du grand monde la roƒe,
Pour nouueaux faits ƒang public eƒpandu;
A dire vray on aura bouche cloƒe,
Lors au beƒoin viendra tard l'attendu.
V. 97.
Le nay difforme par horreur suffoqué,
Dans la cité du grand Roy habitable :
L'edit seuere des captifs reuoque,
Gresle & tonnerre Coudom inestimable.
V. 97.*
Le né difforme par horreur ƒuffoqué
Dans la cité du grand Roy habitable.
L'edi¢t ƒeuere des captifs reuoqué.
Greƒle & tonnerre Condom ineƒtimable.
V. 97.**
Le nay difforme par horreur ƒuffoqué
Dans la cité du grand Roy habitable :
L'edi¢t ƒeuere des captifs reuoqué,
Greƒle & tonnerre, Condon ineƒtimable.
V. 98.
A quarante-huict degré climatterique,
Afin de Cancer si grande secheresse,
Poisson en mer fleuue, lac cuit hectique
Bearn, Bigorre par feu ciel en detresse.
V. 98.**
A quarante-hui¢t degré clima¢terique
A fin de Cancer ƒi grande ƒeichereƒƒe :
Poiƒƒon en mer, fleuue : lac cuit he¢tique,
Bearn. Bigorre par feu ciel en detreƒƒe.
V. 99.
Milan, Ferrare, Turin & Aquilleye,
Capne Brundis vexez par gent Celtique,
Par le Lyon & phalange aquilee,
Quand Rome aura le chef vieux Britannique.
V. 99.**
Milan, Ferrare, Turin, & Aquileye,
Capue, Brundis vexez par gent Celtique :
Par le Lyon & phalange aquilée,
Quand Rome aura le chef vieux Britannique.
V. 100.
Le boute-feu par son feu attrapé,
De feu du ciel par Carcas & Cominge,
Foix, Aux, Mazeres, haut vieillard eschappé,
Par ceux de Hasse, des Saxons & Turinge.
F iij
V. 100.**
Le boute-feu par ƒon feu attrapé,
De feu du ciel à Calcas & Cominge :
Foix, Aux Mazere, haut vieillard eƒchappé,
Par ceux de Haƒƒe des Saxons & Turinge.